యంగ్ హీరో నాగ శౌర్య, మెహ‌రిన్ జంట‌గా ఐరా క్రియేషన్స్ ప‌తాకం పై ప్రొడక్షన్ నెం 3గా శంకర్ ప్రసాద్ ముల్పూరి స‌మ‌ర్ప‌ణ‌లో ఉషా ముల్పూరి నిర్మాత‌గా రూపొందుతున్న చిత్రం`అశ్వథ్థామ`.నూత‌న ద‌ర్శ‌కుడు రమణ తేజ ఈ సినిమాతో తెలుగు తెరకు ప‌రిచ‌యం అవుతున్నారు. అటు క్లాస్ ఇటు మాస్ ఆడియెన్స్ ని అల‌రించే విధంగా ఈ సినిమాని రూపొందిస్తున్నారు. ప్యాన్ ఇండియా హిట్ గా నిలిచిన కేజీఎఫ్ కి ఫైట్స్ కంపోజ్ చేసిన అన్బు- అరివు మాస్టర్స్ ఈ సినిమాకి యాక్షన్ కొరియోగ్ర‌ఫి చేస్తుండ‌టం విశేషం. ఈ మూవీ రిలీజ్ డేట్ ప్రెస్ మీట్ సంస్థ కార్యాల‌యంలో జ‌రిగింది. ఈ కార్య‌క్ర‌మంలో చిత్ర యూనిట్ సభ్యులు పాల్గొన్నారు..ఈ సందర్భంగా..
చిత్ర నిర్మాత ఉష మూల్పూరి మాట్లాడుతూ -“ఐరా క్రియేషన్స్ ప్రొడక్షన్స్ నెంబర్ 3గా ` అశ్వథ్థామ షూటింగ్ పూర్తి చేసుకొని పోస్ట్ ప్రొడక్షన్ వర్క్స్ జరుపుకుంటుంది. సమాజంలో జరుగుతున్న కొన్ని వాస్తవ సంఘటనలు ఆధారంగా ఈ సినిమా కథాంశం ఉండబోతొంది. నాగ శౌర్య చాలా మంచి కథ రాశాడు, దాన్ని డైరెక్టర్ తెరమీద అంత‌కన్నా బాగా చూపించాడు. ఈ సినిమా అన్ని వర్గాల ప్రేక్షకులకు నచ్చే విధంగా ఉంటుంది“ అన్నారు.
చిత్ర స‌మ‌ర్ప‌కులు శంకర్ ప్రసాద్ మాట్లాడుతూ – “అశ్వథ్థామ` షూటింగ్ పూర్తి చేసుకొని జనవరి 31న ప్రేక్షకుల ముందుకు రాబోతోంది. ఈ సినిమాలో మీరు స‌రి కొత్త నాగ శౌర్య ను చూస్తారు. కేజీఎఫ్ కి ఫైట్స్ కంపోజ్ చేసిన అన్బు అరివు మాస్టర్స్ తెలుగులో మొద‌టిసారిగా నాగ‌శౌర్య సినిమాకి యాక్షన్ కొరియోగ్ర‌ఫి చేశారు సినిమాకు అది పెద్ద అసెట్ కానుంది.త్వరలో ఈ సినిమకు సంభందించిన మరిన్ని విశేషాలు తెలుపుతాం“ అన్నారు.
డైరెక్టర్ రమణ తేజ మాట్లాడుతూ – “నాకు ఈ అవకాశం ఇచ్చిన ఐరా క్రియేషన్ వారికి థాంక్స్, శౌర్య నన్ను నమ్ము ఈ సినిమాను డైరెక్ట్ చెయ్యమని చెప్పారు. జనవరి 31న వస్తోన్న మా సినిమా మీ అందరికి నచ్చుతుందని భావిస్తున్నాను. నన్ను సపోర్ట్ చేస్తున్న అందరికి ప్రేత్యేక ధన్యవాదాలు.
కో ప్రొడ్యూసర్ బుజ్జి మాట్లాడుతూ – “అనుకున్న టైమ్ లో సినిమాను పూర్తి చేశాము. మేము అనుకున్న దానికంటే ఔట్ ఫుట్ బాగా వచ్చింది.
కేజీఎఫ్ కు కంపోజ్ చేసిన అన్బు అరివు మాస్టర్స్ నాగసౌర్య సినిమాకు తెలుగు లో మొదటిసారి గా యాక్షన్ కొరియోగ్రఫీ చెయ్యడం సినిమాకు ప్లస్ అవుతుందన్నారు మా సినిమాకు వర్క్ చేసిన ప్రతి టెక్నీషియన్ సినిమా ఇంత బాగా రావడానికి కృషి చేసారు“ అన్నారు.
