రామిడి శ్రీరామ్, తనీష్ అల్లాడి,ద్వారక విడియన్ (బంటి) ప్రియాంక నిర్వాణ,దివ్య డిచోల్కర్ నటీ నటులుగా కార్తీక్ రెడ్డి నిర్మిస్తున్న చిత్రం “KCPD” (కొంచెం చూసి ప్రేమించు డ్యూడ్) శర వేగంగా షూటింగ్ జరుపు కుంటుంది. అయితే యంగ్ & డైనమిక్ హీరో రామిడి శ్రీరామ్ పుట్టిన రోజు సందర్బంగా చిత్ర హీరో రొమాంటిక్ ఫస్ట్ లుక్ ను విడుదల చేసింది చిత్ర బృందం. అనంతరం హీరో రామిడి శ్రీరామ్ పుట్టినరోజు వేడుకలను ఘనంగా జరుపుకుంది .
ఈ సందర్భంగా నిర్మాత కార్తీక్ రెడ్డి మాట్లాడుతూ..రామిడి శ్రీరామ్ కు పుట్టినరోజు శుభాకాంక్షలు. మొదటి షెడ్యూల్ జరుపుకుంటున్న మా “KCPD” (కొంచెం చూసి ప్రేమించు డ్యూడ్ ) సినిమా కథ ఎంతో ఆసక్తికరంగా ఉంటుంది. ఇందులో నటించిన నటీ నటులు అందరూ కూడా కుటుంబ సభ్యుల్లా కలిసి పని చేయడం చాలా సంతోషంగా ఉంది. ఇంతకుముందు మేము వ్యాలంటైన్స్ డే సందర్భంగా ఈ చిత్ర ఫస్ట్ లుక్ ను రిలీజ్ చేయడం జరిగింది. దానికి ప్రేక్షకుల నుంచి మంచి స్పందన లభించింది. రాబోయే రోజుల్లో ఈ సినిమా నుండి మరిన్ని ఆసక్తికరమైన అప్డేట్స్ తో మీ ముందుకు వస్తాము. ప్రేక్షకులను ఎంటర్టైన్మెంట్ చేసే మంచి కథతో వస్తున్న మా సినిమాకు మీ సపోర్ట్ మీ ఆదరణ ఇలాగే కొనసాగాలని మనస్ఫూర్తిగా కోరుకుంటున్నామని అన్నారు.
