అధిరోహ్ క్రియేటివ్ సైన్స్ ఎల్.ఎల్.పి బేన‌ర్‌పై ఉదయ్ శంకర్ (ఆట గదరా శివ ఫేమ్), ఐశ్వర్య రాజేష్(కౌస‌ల్య కృష్ణ‌మూర్తి ఫేమ్) హీరోహీరోయిన్లుగా `డాక్ట‌ర్ స‌లీమ్` వంటి విజయవంతమైన చిత్రాన్ని రూపొందించిన ఎన్ వి. నిర్మల్ కుమార్ దర్శకత్వంలో జి.శ్రీరామ్ రాజు, భరత్ రామ్ నిర్మాత‌లుగా రూపోందుతోన్న చిత్రం ‘మిస్ మ్యాచ్’. ప్రపంచ వ్యాప్తంగా డిసెంబర్ 6 న విడుద‌ల‌కాబోతుంది. ఈ సందర్భంగా హైద‌రాబాద్ ఫిలిం చాంబ‌ర్‌లో ఏర్పాటు చేసిన విలేకరుల సమావేశంలో డైరెక్టర్ సురేందర్ రెడ్డి ముఖ్యఅతిథిగా హాజ‌రై `మిస్ మ్యాచ్` ట్రైలర్ ను విడుదల చేశారు. ఈ సందర్భంగా…
కథ రచయిత భూపతి రాజా మాట్లాడుతూ…’మిస్ మ్యాచ్’ సినిమా ఇంట్రెస్టింగ్ గా ఉండబోతోంది. రెండు కుటుంబాల మధ్య జరిగే కథను దర్శకుడు నిర్మల్ బాగా చూపించారు కుటుంబం అంతా కలిసి చూడదగ్గ సినిమా ఇది“అన్నారు.
మ్యూజిక్ డైరెక్టర్ గిఫ్టన్ మాట్లాడుతూ – నాకు ఇంత మంచి అవ‌కాశం ఇచ్చిన ద‌ర్శ‌క నిర్మాత‌ల‌కి నా ప్ర‌త్యేక కృతజ్ఞతలు. ఈ చిత్రంలో అన్ని పాటలు చాలా బాగా వ‌చ్చాయి. తప్పకుండా మీ అందరికి నచ్చుతాయి అనుకుంటున్నాను“అన్నారు.
చిత్ర దర్శకుడు ఎన్ వి. నిర్మల్ కుమార్ మాట్లాడుతూ – ప్ర‌స్తుతం ట్రెండింగ్ డైరెక్టర్ అయిన సురేంద‌ర్‌గారు మా చిత్రం ట్రైలర్ లాంచ్ చేయ‌డం చాలా ఆనందంగా ఉంది. ఇది తెలుగులో నా మొద‌టి చిత్రం. హీరో ఉద‌య్‌గారు చాలా బాగా చేశారు. ఐశ్వర్య, ఉద‌య్‌ల కెమెస్ట్రీ బాగా కుదిరింది. డైలాగ్‌రైట‌ర్స్ బాగా రాశారు. మొద‌టిసారి మంచి స‌బ్జెక్ట్ ఇచ్చిన భూప‌తిరాజ్‌సార్‌కి నా ప్ర‌త్యేక కృతజ్ఞతలు.ఇదొక చిన్న సినిమా మీఅంద‌రి స‌హ‌కారంఉండాల‌ని కోరుకుంటున్నా“అన్నారు.
ప్రొడ్యూస‌ర్ శ్రీ‌రామ‌రాజు మాట్లాడుతూ – మా చిత్రం డిసెంబర్ 6న విడుదల కాబోతుంది. `సైరా నరసింహ రెడ్డి` లాంటి అద్భుత‌మైన చిత్రాన్ని అందించిన డైరెక్టర్ సురేందర్ రెడ్డి గారు మా ట్రైలర్ రిలీజ్ చేసినందుకు నా ధన్యవాదాలు. దర్శకుడు నిర్మల్ ఈ చిత్రాన్ని అద్భుతంగా తెరకెక్కించారు. భూపతి రాజా గారు మంచి కథ ఇచ్చారు. ఈ చిత్ర టెక్నిషియన్స్ ఈ సినిమా కోసం ఎంతో కష్టపడి పని చేశారు. ఉదయ్, ఐశ్వర్య రాజేష్ కెమిస్ట్రీ బాగా కుదిరింది. మమ్మల్ని సపోర్ట్ చేస్తున్న మీడియా వారికి ధన్యవాదాలు “ అన్నారు.
హీరో ఉదయ్ శంకర్ మాట్లాడుతూ…మా చిత్ర ట్రైలర్ లాంచ్ కార్యక్రమంలో పాల్గొన్న సురేందర్ రెడ్డి గారికి థాంక్స్, మంచి కథ, కథనాలు ఉన్న సినిమ ‘మిస్ మ్యాచ్’. నిర్మల్ కుమార్ గారు సినిమాను అందంగా తెరకెక్కించారు. తొలిప్రేమ చిత్రంలోని `ఈ మనసే`.. సాంగ్ ని ఈ సినినిమాలో రీమిక్స్ చేశాం, అందరికి నచ్చుతుంది. డిసెంబర్ 6న మీ ముందుకు వస్తున్న మా సినిమా పెద్ద సక్సెస్ కావాలని కోరుకుంటున్నాం అన్నారు.
స్టైలిష్ డైరెక్టర్ సురేందర్ రెడ్డి మాట్లాడుతూ…’మిస్ మ్యాచ్’ టైటిల్ బాగుంది. హీరో ఉదయ్ బాగా చేశాడు. కథ అందించిన భూపతి గారికి, డైరెక్టర్ నిర్మల్ గారికి ఈ సినిమా పెద్ద సక్సెస్ కావాలి. డైరెక్టర్ నిర్మల్ తమిళ్ లో చేసిన చదరంగ వెట్టై పెద్ద హిట్, అదే విధంగా తాను తెలుగులో చేసిన ఫస్ట్ మూవీ ‘మిస్ మ్యాచ్’ సక్సెస్ అవుతుందని కోరుకుంటున్నాను, ఈ చిత్రంలో నటించిన నటీనటులకు, సాంకేతిక నిపుణులకు గుడ్ లక్. తప్పకుండా ఈ సినిమా పెద్ద సక్సెస్ అవుతుంది“ అన్నారు.
ఈ చిత్రం లోని ఇతర ప్రధాన పాత్రలలో సంజయ్ స్వరూప్, ప్రదీప్ రావత్, రూపాలక్ష్మి తదితరులు నటిస్తున్నారు. ఈ చిత్రానికి సంగీతం: గిఫ్టన్ ఇలియాస్, కధ: భూపతి రాజా, మాటలు: రాజేంద్రకుమార్, మధు; ఛాయా గ్రహణం: గణేష్ చంద్ర; పాటలు: సిరివెన్నెల సీతారామ శాస్త్రి, సుద్దాల అశోక్ తేజ; కళా దర్శకుడు: మణి వాసగం
దర్శకుడు. ఎన్.వి.నిర్మల్ కుమార్ .
నిర్మాతలు జి.శ్రీరామ్ రాజు, భరత్ రామ్
స్టైలిష్ డైరెక్టర్ సురేందర్ రెడ్డి చేతుల మీదుగా ‘మిస్ మ్యాచ్’ ట్రైలర్ విడుదల, డిసెంబర్ 6న ప్రేక్షకుల ముందుకు..
