‘లెజెండ్’, ‘పండగ చేస్కో’,’ సైజ్ జీరో’ లాంటి చిత్రాలతో తెలుగు ప్రేక్షకులకు దగ్గరైన నటి సోనాల్ చౌహన్. ప్రస్తుతం నందమూరి బాలకృష్ణ సరసన ‘రూలర్’ చిత్రంలో నటిస్తోంది. సి. కల్యాణ్ నిర్మాణంలో కె.ఎస్.రవికుమార్ ఈ చిత్రాన్ని తెరకెక్కిస్తున్నారు. డిసెంబర్ 20 న ప్రపంచ వ్యాప్తంగా సినిమా విడుదలవబోతున్న సందర్భంగా హీరోయిన్ సోనాల్ చౌహన్ ఇంటర్వ్యూ…
బాలయ్య మూడోసారి క‌లిసి న‌టిస్తున్నారు క‌దా! ఆయనతో జ‌ర్నీ ఎలా ఉంది?
– బాలకృష్ణ గారిని కలవక ముందు ఆయనంటే కొంచెం భయం ఉండేది. కానీ ఆయనతో పరిచయం ఏర్పడ్డాక ఆ భయం అంతా పోయింది. ఆయన సెట్స్ లో చాలా జోవియల్ గా ఉంటారు, ఎప్పుడూ నవ్వుతూ ఉండే ఆయనలోని సెన్స్ ఆఫ్ హ్యూమర్ ని మెచ్చుకోవాల్సిందే. ఆయనతో ఇంకా చాలా సినిమాలు చేయాలని ఉంది.
ఈ మూవీ లో మీ క్యారెక్టర్ ఎలా ఉంటుంది ?
– ఈ మూవీలో నా పాత్ర పేరు హారిక. కొంచెం తలపొగ‌రు కలిగిన అమ్మాయి పాత్రలో కనిపిస్తాను. తనకు నచ్చింది ఎలాగైనా దక్కించుకునే వరకూ పోరాడే మ‌న‌స్త‌త్వం. నాపాత్రలో గ్లామర్, ఎమోషన్స్, ఎంట‌ర్‌టైన్‌మెంట్‌ ఇలా అన్ని అంశాలు ఉంటాయి
ఈ అవకాశం ఎలా దక్కింది ?
– దర్శకులు కె ఎస్ రవి కుమార్ గారు ఫోన్ చేసి పిలిపించి మూవీ కథ చెప్పారు. ఆతర్వాత వెంటనే నేను ఒకే చెప్పడం జరిగింది. అప్ కోర్స్ కథ వినకపోయినప్పటికీ బాల‌కృష్ణ‌గారితో సినిమా అంటేనే వదులుకొనేదానిని కాదు.
కె.ఎస్.రవికుమార్ మేకింగ్, సి. కల్యాణ్ గారి ప్రొడ‌క్ష‌న్ వేల్యూస్ గురించి?
– కె.ఎస్.రవికుమార్ త‌న‌కి ఏం కావాలి అనే విష‌యంలో చాలా క్లారిటీగా ఉంటారు. ఎక్క‌డా మేకింగ్ ప‌రంగా నాణ్యత తగ్గకుండా వేగంగా ఈ సినిమాని తీశారు. ప్రకాష్ రాజ్, జయసుధ, భూమిక, నాగినీడు, ఝాన్సీ తదితర అనుభవమున్న నటులున్నారు. ఇంత మంది నటులున్నా ఎలాంటి సమస్యలు, అసౌకర్యం ఎదురుకాకుండా సి.కళ్యాణ్ ఈ చిత్రాన్ని నిర్మించారు. ఆయన చాలా ఫ్యాష‌నేట్ ప్రొడ్యూస‌ర్. ఆయన బేనర్ లో మరో సారి తప్పకుండా నటిస్తాను.
వెబ్ సిరీస్ లో ఏమైనా నటిస్తున్నారా?
– వెబ్ సిరీస్ లో చేయడానికి నేను ఎప్పటి నుండో ఎదురు చూస్తున్నాను. ప్రస్తుతం ఒక వెబ్ సిరీస్ లో నటించాను. భవిష్యత్తులో కూడా వెబ్ సిరీస్ లలో తప్పకుండా నటిస్తాను.
సోషల్ మీడియాలో వచ్చే కామెంట్స్, రూమర్స్ ని ఎలా తీసుకుంటారు?
– సోషల్ మీడియాలో కామెంట్స్ అనేవి సర్వ సాధారణం. మనకు తెలిసినవారు కామెంట్ చేసినప్పుడు, లేదా మనకు తెలిసిన వారిపై రూమర్స్ క్రియేట్ చేసినప్పుడు నేను స్పందిస్తాను. అంతే కానీ ప్రతి ఒక్కరి కామెంట్స్ కి ఆన్సర్ ఇవ్వాల్సిన అవసరం లేదు. నేనేమిటో నా పేరెంట్స్ కి తెలుసు అందుకే ఎటువంటి రూమర్స్ ని సీరియస్ గా తీసుకోను.
నెక్స్ట్ ప్రాజెక్ట్స్?
– ప్రస్తుతం తెలుగులో ఒక స్టార్ హీరో సినిమాకి చర్చలు జరుగుతున్నాయి. త్వరలోనే ఆ వివరాలు తెలియజేస్తాను అంటూ ఇంటర్వ్యూ ముగించారు.
