సంపూర్ణేష్ బాబు గారు ఇప్పటి వరకు చేసిన సినిమాలు ఒక ఎత్తైతే ఈ సినిమా ఒక ఎత్తు.ఈ సినిమా లో సంపూని సరికొత్తగా చూస్తారు. సంపూ గారి కెరీర్ లో ది బెస్ట్ సినిమా అవుతుంది అన్నారు చిత్ర దర్శకుడు ఎన్.ఆర్.రెడ్డి. బి.ఎస్. రాజు సమర్పణలో ప్రవీణ క్రియేషన్స్ ప్రవేట్ లిమిటెడ్ బ్యానర్ పై సంపూర్ణేష్ బాబు, సోనాక్షి హీరో హీరోయిన్లుగా ఎన్.ఆర్.రెడ్డి దర్సకత్వంలో తెరకెక్కిన ”ధగడ్ సాంబ” చిత్రాన్ని నిర్మాత ఆర్ ఆర్. బీహెచ్ శ్రీనుకుమార్ రాజు నిర్మించారు.ఈ చిత్రం నుండి ఇంతకుముందు విడుదలైన టీజర్ & ప్రోమోకు,పాటలకు మంచి స్పందన లభిస్తోంది. అన్ని కార్యక్రమాలు పూర్తి చేసుకుని మే 20 న విడుదలకు సిద్ధమైన సందర్భంగా చిత్ర దర్శకుడు ఎన్.ఆర్.రెడ్డి పాత్రికేయ మిత్రులతో మాట్లాడుతూ..
1993 లో ఇండస్ట్రీ కి ఆర్టిస్టుగా వచ్చాను. ఆ తర్వాత కొన్ని పరిస్థితులు కారణంగా బిజినెస్ వైపు వెళ్లడం జరిగింది. అయినా సినిమా పై ఉన్న ఇంట్రెస్ట్ తో మళ్లీ ఇండస్ట్రీకి రావడం జరిగింది. అయితే దర్శకుడు అవ్వాలనే కోరికతో నేను కొన్ని కథలు రాసుకున్నాను.నేను ఎవరి దగ్గర దర్శకత్వ శాఖలో మెలుకువలు నేర్చుకోలేదు.దర్శకుడుగా నాకిది మొదటి చిత్రం.లాక్ డౌన్ లో రాసుకున్న కథను నా ఫ్రెండ్ డిఓపి ముజీర్ గారికి వినిపించి ఎవరితో నైనా ఈ కథతో సినిమా చేద్దాం అన్నాను.ఈ సినిమాకు కథ, స్క్రీన్ ప్లే, లిరిక్స్, పాటలు ఇలా అన్ని నేనే రాసుకోవడం జరిగింది.ఈ కథ ముజీర్ గారికి నచ్చడంతో నాకు సంపూ గారు బాగా తెలుసు తను ఇప్పటి వరకు ఇలాంటి మాస్ యాక్షన్ సినిమా చేయలేదు తనకైతే ఈ కథ బాగుంటుంది సంపూతో చేద్దాం అన్నాడు.ఆ తర్వాత ఈ కథను సంపూ కు చెప్పడం తను చేయడానికి ఒప్పుకోవడం జరిగింది.
నేను రాసుకున్న ఈ కథ సంపూ గారికి అని ముజీర్ గారు చెప్పడంతో సంపూ గారి బాడీ లాంగ్వేజ్ కు తగ్గట్టు నేను రాసుకున్న కథను 30% చేయింజ్ చేశాము.ఈ సినిమాలో ట్విస్ట్ టర్న్స్ తో ప్రేక్షకులను ఈ సినిమా మెస్మరైజ్ చేస్తుంది. ఇండస్ట్రీలో ఇన్ని రకాల ఎమోషన్స్ తో కూడుకున్న సినిమా ఇదే మొదటి సినిమా అని అనుకుంటున్నాను.
ఈ చిత్రానికి ముజీర్ గారు ఒక్క డిఓపి గానే కాకుండా ఈ చిత్రం పూర్తి కావడానికి మెయిన్ పిల్లర్ గా నిలబడ్డారు.ఈ రోజు ఈ చిత్రం రిలీజ్ అవుతుంది ముజీర్ గారి కృషి ఎంతో ఉంది.ఆయన మేము ఎప్పుడూ ఋణ పడి ఉంటాను. ఎంతో సపోర్ట్ చేశారు. సంపూ గారి యాక్టింగ్ ,బాలు గారి కొరియోగ్రఫీ, డేవిడ్ గారి మ్యూజిక్, పాపారావు గారి ఎడిటింగ్, రాజు మాస్టర్ అసిస్టెంట్స్ ఫైట్స్ , యాక్షన్స్ సీన్స్ ఇలా అందరు టెక్నీషియన్స్ సపోర్ట్ చేయడం అలాగే నటులు బాషా ,జ్యోతి, అప్పారావు, చలాకీ చంటి ,ఫిష్ వెంకట్ అందరూ చాలా బాగా నటించారు.ఇలా ప్రతి ఒక్కరూ ఈ సినిమా కోసం డెడికేటెడ్ గా వర్క్ చేయడంతో సినిమా చాలా బాగా వచ్చింది.. ఇందులో అన్ని రకాల ఎమోషన్స్ ఉంటాయి.
ఇది ఒక రివెంజ్ స్టొరీ..ఇందులో రొమాంటిక్ కామెడీ & రీవేంజ్ స్టోరీ గా ప్రేక్షకుల ముందుకు వస్తున్న ఈ సినిమా ఫుల్ ఔట్ & ఔట్ కామెడీ ఫిల్మ్. ఇందులో ఐదు ఫైట్స్, ఐదు సాంగ్స్ ఉంటాయి.ఇప్పటి వరకు వచ్చిన సంపూ గారి సినిమాలలో ఓవర్ డోస్ కామెడీ,ఓవర్ డోస్ ఫైట్స్ ఉండేవి అయితే ఇందులో మాత్రం కథ సీరియస్ గా నడిచినా అందులోనే కామెడీ ఉంటుంది తప్ప కావాలని పెట్టినట్టు పేరడీ కామెడీ ఈ సినిమాలో ఉండదు. స్విచ్వేషన్స్ తగ్గట్టు న్యాచురల్ గా అందరి లైఫ్ లో ఎలా జరుగుతుందో అలా ఉంటుంది తప్ప ఇంపాజిబుల్ ను పాజిబుల్ చేసేలా మాత్రం ఉండదు.
ఈ చిత్రంలో సంపూ గారిది సస్పెన్స్ క్యారెక్టర్ తను ఎం చేస్తుంటాడో ఎవరికీ తెలియని క్యారెక్టర్.సంపూ కు ఒక సెంటిమెంట్ ఉంటుంది. అది ఏంటనేది ఇంటర్వెల్ లో బ్లాస్ట్ అవుతుంది.ఈ సినిమాలో సంపూ గారు కామెడీ, సెంటిమెంట్ తో పాటు మాస్ ప్రేక్షకులను ఆకట్టుకునే యాక్షన్ ఫైట్స్ చాలా బాగా చేశారు. ఇప్పటి వరకు చేసిన సినిమాలు ఒక ఎత్తైతే ఈ సినిమా సంపూ గారి కెరీర్ లో ది బెస్ట్ సినిమా అవుతుంది.ఈ సినిమాలో సంపూని సరికొత్తగా చూస్తారు.ఇందులో ఎలాంటి వల్గారిటీ లేకుండా ఫ్యామిలీ ఆడియన్స్ అందరూ వచ్చి చూసేలా ఈ సినిమా ఉంటుంది.
సంపూ గారు మార్కెట్ నుండి కూరగాయలు తీసుకెళ్తుంటే.. కొందమంది రౌడీ గ్యాంగ్ సంపూతో టమాటా గురించి కామెంట్ చేస్తే..అప్పుడు టమోటా గురించి సంపూ చెప్పే డైలాగ్ ప్రేక్షకులను మెస్మరైజ్ చేస్తుంది.
టమోటా అంటే ఏమనుకున్నావ్ రా..మటన్ లో ముక్కలా..చికెన్ లో చిల్లి లా.. పప్పులో ఉప్పులా.. చారులో కూరలా..పులుసులో పులుపులా..చివరికి ప్రపంచ దేశాల్లో శ్వాసకి శ్వాస లాంటిది అంతే కాదు వెజిటబుల్ కు బాబులాంటిది అలాంటి టమాటా గురించి తప్పు మాట్లాడుతావ్ రా..తప్పుడు నా కొడకా.. ఇంకొకసారి టమాటా గురించి తప్పు మాట్లాడితే జీవితంలో నువ్వు టమాటా తినకుండా టంగ్ పీకేస్తా.. అనే డైలాగ్స్ ప్రేక్షకులలో మంచి ఊపును తెప్పిస్తుంది..
ఈ సినిమా పూర్తి అయిన తరువాత సెన్సార్ వారికీ చూపిస్తే ఈ కథ చాలా బాగుందని మెచ్చుకొని సెన్సార్ వారు సింగిల్ కట్ లేకుండా క్లీన్ యు/ఏ సర్టిఫికెట్ ఇచ్చారు. ప్రేక్షకులకు నచ్చే అంశాలన్నీ ఇందులో ఉంటాయి.
ఈ సినిమా తర్వాత మరి కొన్ని ప్రాజెక్ట్స్ ఉన్నాయి వాటి వివరాలు త్వరలో తెలియజేస్తాను.ఈ నెల 20 న ప్రేక్షకుల ముందుకు వస్తున్న ఈ చిత్రాన్ని ప్రేక్షకులందరూ ఆదరించి ఆశీర్వదించాలని కోరుకుంటున్నా..అని ముగించారు
