జాతీయ అవార్డ్ దర్శకులు నరసింహ నంది దర్శకత్వంలో వచ్చిన 1940లో ఒక గ్రామం, కమలతో నా ప్రయాణం, లజ్జా లాంటి ఉత్తమ విలువలు కలిగిన సినిమాల తరువాత నరసింహ నంది తాజాగా ఎస్విఎస్ ప్రొడక్షన్స్ , శ్రీనిధి సినిమాస్ సంయుక్తంగా నిర్మిస్తున్న ప్రభుత్వ సారాయి దుకాణం సినిమా ఫస్ట్ లుక్ విడుదల కార్యక్రమం గ్రాండ్ గా జరిగింది, ఈ కార్యక్రమంలో నిర్మాత ప్రసన్న కుమార్, దర్శకులు సముద్ర, నటుడు పృద్వి తో పాటు చిత్ర యూనిట్ పాల్గొన్నారు.
సెక్స్పియర్ కథలోని పాత్రల ఆధారంగా తీసుకొని తెలంగాణలో ఒక మారుమూల ప్రాంతంలో జరిగే పొలిటికల్ ఫ్యామిలీ ఇతివృత్తంగా పగ ద్వేషం, ఈర్ష, అసూయ, ప్రేమ మనిషిలోని వివిధ కోణాలను చూపిస్తూ ప్రభుత్వం సారాయి దుకాణం సినిమా కథను తయారు చెయ్యడం జరిగింది. 1980 నాటి పరిస్థితులు ప్రస్తుత పరిస్థితులకు అనుగుణంగా మలచడం జరిగింది.
చిత్ర దర్శకుడు నరసింహ నంది మాట్లాడుతూ.. నిర్మాతకు కథ చేప్పినప్పుడు కథ కమర్షియల్ ఫార్మాట్ లో బాగుంది దీనిని వెబ్ సిరీస్ చేద్దాం అనుకున్నాం..అయితే నిర్మాతలకు సినిమా పట్ల అవగాహన ఉండడం వలన ఈ కథను సినిమా ఫార్మాట్ లో తీద్దామని చెప్పారు. అందుకే రెండున్నర గంటలు కుదించి సినిమా తీస్తున్నాము. అయినా కథ పెద్దగా ఉన్నందున ఈ సినిమాకు పార్ట్ 1 అని పెట్టాము. ఈ సినిమా విషయానికి వస్తే ప్రతి మనిషిలో ఇద్దరు వ్యక్తులు ఉంటారు. బయట మాట్లాడే వ్యక్తి విధానం ఒకటి, అయితే,లోపల ఉండే వ్యక్తి ఎలా ఆలోచిస్తాడు, సమాజం పట్ల ఎలా బిహేవే చేస్తాడు. అనేది మరొకటి ఉంటుంది. అందుకే జంతువు లక్షణాలు కలిగిన మనుషుల కథ అని క్యాప్షన్ పెట్టాను. తెలంగాణ విలేజ్ బ్యాక్ డ్రాప్ లో జరిగే ఈ సినిమాలో నటించిన నటీ, నటులు అందరూ చాలా అద్భుతంగా నటించారు.
అతిధిగా వచ్చిన దర్శకుడు సముద్ర మాట్లాడుతూ ..మా ఇద్దరం నరసింహనాయుడు నుండి కో డైరెక్టర్స్ గా స్టార్ట్ అయ్యాము.1947 లో ఒక గ్రామం సినిమా నుంచి చాల రొటీన్ సినిమాలు తీయకుండా డిఫరెంట్ డిఫరెంట్ సినిమాలతో మంచి కంటెంట్ ఉన్న సినిమాలే తీస్తూ మంచి ఆర్టిస్ట్ లను టెక్నిషియన్స్ ను పరిచయం చేస్తూ ప్రతి సినిమా ఒక ప్రయోగాత్మకంగా ఒక అభిరుచి గల సినిమాలు తీస్తాడు. ఈ రోజు మోషన్ పోస్టర్ చూసాం చాలా బాగుంది.సో ఇప్పుడు నా బెస్ట్ ఫ్రెండ్ నరసింహ నంది తీస్తున్న ఈ సినిమా కూడా గొప్ప హిట్ అవ్వాలని మనస్పూర్తిగా కోరుకుంటున్నాను.
అతిధిగా వచ్చిన ప్రొడ్యూసర్ కౌన్సిల్ సెక్రటరీ ప్రసన్న కుమార్ మాట్లాడుతూ.. యస్. వి. యస్ బ్యానర్ మీద నరేష్, మల్లిక్ లు తీస్తున్న ఈ సినిమాకు దర్శకుడు నరసింహ నంది చేయడం చాలా సంతోషంగా ఉంది.ఆ రోజుల్లో అవార్డు రావడం కష్టంగా ఉండేది. నేను ఇండియన్ పనోరమకు జ్యూరీ మెంబెర్ గా వెళితే గత 8 సంవత్సరాలు ఒక్క అవార్డు రాలేదు. అలాంటి కష్టమైన సమయంలో తను తీసిన 1940 లో ఒక గ్రామం సినిమాకు నేషనల్ అవార్డు రావడం గొప్ప విషయం.ఈ సినిమాలో చేస్తున్న అందరికీ మంచి ఫ్యూచర్ ఉంటుంది. ఇప్పుడు తను చేస్తున్న ఈ సినిమా కూడా బిగ్ హిట్ అవ్వాలని మనస్ఫూర్తిగా కోరుకుంటున్నాను.
నటుడు 30 ఇయర్స్ పృద్వి మాట్లాడుతూ.. 1940 లో ఒక గ్రామం సినిమాకు నేషనల్ అవార్డు వచ్చిన తరువాత ఇటువంటి దర్శకుడు చేసే సినిమా నటించాలని అప్పట్లో ప్రయత్నించాను. తరువాత కబడ్డీ సినిమాలో ఛాన్స్ ఇచ్చినా చెయ్యలేకపోయాను. ఇప్పుడు ఈ సినిమాలో నటించే అవకాశం వచ్చినందుకు చాలా సంతోషంగా ఉంది. ఇందులో నటించిన వారందరూ చాలా అద్భుతంగా నటించారు.మంచి కథతో వస్తున్న ఈ సినిమా గొప్ప విజయం సాధించాలని మనస్ఫూర్తిగా కోరుకుంటున్నాను.
ప్రొడ్యూసర్ దైన నరేష్ గౌడ మాట్లాడుతూ..డైరెక్టర్ నరసింహ నంది గారు తీసిన 1940 లో ఒక గ్రామం సినిమాను మా ఇంట్లో టీవీ లేనప్పుడు పక్కింటి కెళ్ళి సినిమా చూశాను. ఇప్పుడు అలాంటి వారితో సినిమా చేస్తున్నందుకు చాలా చాలా హ్యాపీ గా ఉంది. మమ్మలి ఆశీర్వదించడానికి వచ్చిన ప్రసన్న కుమార్ గారికి, పృథ్వి గారికి, సముద్ర గారికి కృతజ్ఞతలు, మా అన్న గురువు పరిగి మల్లిక్ గారితో కలిసి ఈ సినిమా నిర్మిచడం సంతోషంగా ఉంది, నరసింహ నంది గారు సినిమాను చాలా అద్భుతంగా తెరకెక్కించారు రేపు అందరూ అదే ఫీల్ అవుతారు, త్వరలో మా ప్రభుత్వ సారాయి దుకాణం సినిమా థియేటర్స్ లో అందరిని అలరించబోతోందని తెలిపారు.
నిర్మాత పరిగి మల్లేష్ మాట్లాడుతూ.. అడియన్స్ మెచ్చే సినిమాలు చేసినటువంటి నరసింహ నంది గారితో ఈ సినిమా చేస్తున్నందుకు చాలా సంతోషంగా ఉంది. అయన తో పని చేయడం మా అదృష్టం. ఈ కథ విషయానికి వస్తే తెలంగాణ విలేజ్ బ్యాక్ డ్రాప్ లో వచ్చే మంచి కంటెంట్ ఉన్న కల్ట్ సినిమా ప్రభుత్వ సారాయి దుకాణం. ఈ సినిమా మా మూడేళ్ళ జర్నీ, ఎంతో కష్టపడి నాతో కలిసి నరేష్ గౌడ ఈ సినిమాను నిర్మించారు, అందరికి ఈ సినిమా కనెక్ట్ అవుతుంది అందరికీ కచ్చితంగా నచ్చుతుంది.
హీరో విక్రమ్ మాట్లాడుతూ.. ఎలాంటి సినిమా బ్యాక్ డ్రాప్ లేని నేను గత 18 సంవత్సరాలనుండి వినిమా కోసం వెయిట్ చేస్తున్నాను.ఇలాంటి మంచి వీనిమాలో చేసే అవకాశం వచ్చినందుకు దర్శక, నిర్మాతలకు ధన్యవాదములు.
హీరో సదన్ మాట్లాడుతూ…ఈ సినిమా నా కెరీర్ లో ఒక మంచి సినిమాగా మిగిలిపోతుందని నమ్మకం ఉంది, ఒక సినిమాలో నటించానాన్న తృప్తి ఉందన్నారు
హీరో వినయ్ మాట్లాడుతూ…ప్రభుత్వ సారాయి దుకాణం సినిమా అందరిని ఎంటర్టైన్ చేస్తుందని నమ్ముతున్నాను, ఈ సినిమాలో నాకు అవకాశం ఇచ్చిన డైరెక్టర్ నరసింహ నంది గారికి నిర్మాతలు నరేష్ గౌడ గారికి పరిగి మల్లిక్ గారికి కృతజ్ఞతలు తెలిపారు.
హీరోయిన్ అధితి మైకేల్ మాట్లాడుతూ…ప్రభుత్వ సారాయి దుకాణం సినిమాను డైరెక్టర్ నరసింహ నంది గారు అద్భుతంగా తెరకెక్కించారు, ఈ సినిమా లో నటించినందుకు గర్వాంగా ఉంది. ఇలాంటి మంచి సినిమాలను ఆడియన్స్ ఆధరిస్తారన్న నమ్మకం ఉందన్నారు.
హీరోయిన్ శ్రీలు దాసరి మాట్లాడుతూ...నరసింహ నంది గారి దర్శకత్వంలో ప్రభుత్వ సారాయి దుకాణం సినిమాలో ఒక మంచి రోల్ లో నటించాను, తప్పకుండా నా పాత్ర మీ అందరికి నచ్చుతుందని భావిస్తున్నాను అన్నారు.
హీరోయిన్ మోహన సిద్ది మాట్లాడుతూ…ఈ సినిమా లో నాకు అవకాశం ఇచ్చిన దర్శకుడు నరసింహ నంది గారికి కృతజ్ఞతలు. ఒక మంచి సినిమాలో నటించానన్న హ్యాపీ నెస్ ఉంది, త్వరలో రాబోతున్న ఈ సినిమా సక్సెస్ అవ్వాలని కోరుకుంటున్నా అన్నారు.
నటుడు తిలక్ మాట్లాడుతూ….ఎన్నో సినిమాల్లో మంచి రోల్స్ లో నటించిన నాకు ఈ సినిమాలో మరో గుర్తిండిపోయే పాత్రలో నటించాను, ప్రభుత్వ సారాయి దుకాణం సినిమా ఆలోచింపజేసే విధంగా ఉంటుంది, డైరెక్టర్ నరసింహ నంది, నిర్మాతలు నరేష్, మల్లిక్ కు ఈ మూవీ పెద్ద విజయం సాధించాలని కోరుకుంటున్నట్లు తెలిపారు.
నటీనటులు: ఆర్.విక్రమ్ , సదన్ హాసన్, వినయ్, నరేష్ రాజ్, అదితి మైకేల్, శ్రీలు దాసరి, మోహన సిద్ది, రంగరాజు, పృద్వి, తిలక్, బాలు నాయక్, స్వప్న, జ్యోతి, బలగం సహాదేవ్, బలగం రమేష్ తదితరులు
సాంకేతిక నిపుణులు:
బ్యానర్: ఎస్విఎస్ ప్రొడక్షన్, శ్రీనిధి సినిమాస్
నిర్మాతలు: దైవ నరేష్ గౌడ, పరిగి స్రవంతి మల్లిక్
ఎడిటర్ : వి . నాగిరెడ్డి
సంగీతం: ఎస్ ఎస్
కెమెరామెన్: ఎస్.మురళి మోహన్ రెడ్డి
రచన , దర్శకత్వం: నరసింహ నంది
