Cinemarangam.com
బ్యానర్: మోహన్ మీడియా క్రియేషన్స్
సహకారం: McWin Group USA
సినిమా పేరు : M4M
రివ్యూ రేటింగ్ : 3/5
విడుదల తేదీ : 08/05/2026
దర్శక, నిర్మాత : మోహన్ వడ్లపట్ల
నటీనటులు: జో శర్మ, సంబీత్ ఆచార్య, తదితరులు.
పీఆర్ఓ: కడలి రాంబాబు, అశోక్ దయ్యాల
అమెరికన్ నటి జో శర్మ ప్రధాన పాత్రలో, దర్శకుడు మోహన్ వడ్లపట్ల తెరకెక్కించిన సస్పెన్స్ థ్రిల్లర్ M4M (Motive For Murder) చిత్రం. PVR Inox Pictures ద్వారా విడుదలవుతున్న ఈ సినిమా తెలుగు, హిందీ, తమిళం, కన్నడ, మలయాళ భాషల్లో మే 8న ప్రపంచవ్యాప్తంగా విడుదల కానున్న ఈ చిత్రం ఎలా ఉందో చూద్దాం పదండి .
కథ
హైదరాబాద్ నగరాన్ని వణికిస్తున్న ఒక సీరియల్ కిల్లర్ చుట్టూ ఈ కథ తిరుగుతుంది. అయితే, ఇక్కడ కిల్లర్ చేసే హత్యలు సాదాసీదాగా ఉండవు. ప్రతి శవాన్ని రాజా రవివర్మ లేదా పికాసో వంటి దిగ్గజ చిత్రకారుల ప్రసిద్ధ పెయింటింగ్స్ తరహాలో అలంకరించడం ఈ సినిమాలోని క్రూరమైన, అదే సమయంలో అత్యంత ఆసక్తికరమైన పాయింట్.
ఈ హత్యలను ఛేదించే బాధ్యతను ఏసీపీ కృష్ణ (సంబీత్ ఆచార్య) తీసుకోగా, మరోవైపు ఇన్వెస్టిగేటివ్ జర్నలిస్ట్ రాధ (జో శర్మ) తనదైన శైలిలో దర్యాప్తు మొదలుపెడుతుంది. నిషేధించబడిన ‘M4M’ పుస్తకానికి, ఈ హత్యలకు ఉన్న సంబంధం ఏంటి? చివరకు కిల్లర్ మోటివ్ ఏంటి? అనేది తెరపై చూడాల్సిందే.
నటీనటుల పనితీరు
జో శర్మ తన పాత్రలో పరకాయ ప్రవేశం చేయగా, సంబీత్ ఆచార్య పవర్ఫుల్ పోలీస్ ఆఫీసర్గా మెప్పించారు. శుభలేఖ సుధాకర్, సత్య కృష్ణ తమ అనుభవంతో సినిమాకు బలాన్ని చేకూర్చారు.
ప్లస్ పాయింట్స్:
సినిమా ఎక్కడా ల్యాగ్ లేకుండా, చాలా గ్రిప్పింగ్గా సాగుతుంది. రాధ పాత్రలో జో శర్మ నటన సినిమాకు ప్రాణం పోసింది. ఆమె బాడీ లాంగ్వేజ్ మరియు ఇన్వెస్టిగేషన్ సీన్లు ఆకట్టుకుంటాయి.
సాంకేతికత నిపుణుల పనితీరు
సాధారణంగా మర్డర్ మిస్టరీలలో కిల్లర్ ఎవరు అనే ఉత్కంఠ ఉంటుంది. కానీ ‘M4M’లో ‘హత్యను చిత్రలేఖనంగా మార్చడం’ అనే కాన్సెప్ట్ ప్రేక్షకుడికి ఒక సరికొత్త అనుభూతిని ఇస్తుంది. ముఖ్యంగా “Lovers-II” వంటి కళాఖండాలను హత్యలతో ముడిపెట్టిన తీరు అద్భుతం.
వసంత్ ఇసైపెట్టై బ్యాక్గ్రౌండ్ స్కోర్ థ్రిల్ ఎలిమెంట్స్ని ఎలివేట్ చేయగా, సంతోష్ షానమోని సినిమాటోగ్రఫీ రిచ్గా ఉంది. క్లైమాక్స్లో వచ్చే మలుపులు ఊహాతీతంగా ఉండి ప్రేక్షకులను ఆశ్చర్యానికి గురిచేస్తాయి. కేవలం రక్తపాతం మాత్రమే కాకుండా, ఒక మేధోపరమైన క్రైమ్ థ్రిల్లర్ను చూడాలనుకునే వారికి ‘M4M’ సినిమా కచ్చితంగా నచ్చుతుంది.
Cinemarangam.com Review Rating. .3/5
