తెలంగాణలో ఆర్టీసీ బస్సు ప్రమాదాలు ప్రజలను వణికిస్తున్నాయి. ప్రైవేట్ డ్రైవర్ల నిర్లక్ష్యం.. వాళ్ల అనుభవరాహిత్యం ప్రజల ప్రాణాల మీదకు తెస్తున్నాయి. హైదరాబాద్ బస్సు ప్రమాదం మరిచిపోకముందే హీరో సంపూర్ణేష్ బాబుకు పెను ప్రమాదం తప్పింది. ఆయన కారుకు పెద్ద ప్రమాదమే తప్పింది. సిద్దిపేట కొత్త బస్టాండ్ వద్ద యూ టర్న్ తీసుకుంటున్న సమయంలో సంపూర్ణేష్ బాబు ప్రయాణిస్తున్న కారును ఆర్టీసీ బస్సు వెనక నుంచి ఢీ కొట్టింది. ఈ ప్రమాద సమయంలో సంపూర్ణేష్తో పాటు కారులో ఆయన భార్య, కూతురు కూడా ఉన్నారు
వెనక సీట్లో ఉన్న సంపూ చిన్న కూతురు ఎగిరి ముందు సీట్కు వచ్చింది.
ఈ ప్రమాదంలో స్వల్ప గాయాలతో బయటపడ్డాడు సంపూర్ణేష్ బాబు. ఈ ఘటనపై స్థానిక వన్ టౌన్ పోలీస్ స్టేషన్లో ఫిర్యాదు చేసిన సంపూ.. ప్రమాద ఘటన గురించి చెప్పాడు. ఇదేంటని డ్రైవర్ను అడిగితే చూసుకులేదని నిర్లక్ష్యంగా సమాధానం చెప్పాడని..
అలా అయితే ఎలా అంటూ ప్రశ్నించాడు సంపూ. కాస్త చూసుకుని నడపాలి కదా బ్రదర్ అంటూ డ్రైవర్కు చెప్పాడు సంపూ. అంతేకాదు.. రోడ్లపైకి వస్తున్నపుడు అనుభవరాహిత్యం ఉన్న డ్రైవర్స్ కాస్త చూసుకుని నడపాలంటూ విజ్ఞప్తి చేసాడు.
