Cinemarangam.com
బ్యానర్స్ : అలుక్కా స్టూడియోస్, శ్రీ వారాహి ఆర్ట్స్, భవిష్య విహార్ చిత్రాలు (BVC)
సమర్పణ : రామకృష్ణ వట్టికూటి
సినిమా : “మటన్ సూప్”
రివ్యూ రేటింగ్ : ⭐️⭐️⭐️ (3/5)
విడుదల తేదీ : 10th October 2025
నిర్మాత : మల్లిఖార్జున ఎలికా (గోపాల్), అరుణ్ చంద్ర వట్టికూటి, రామకృష్ణ సనపల
దర్శకుడు : రామచంద్ర వట్టికూటి
నటీనటులు : రమణ్, వర్ష విశ్వనాథ్, జెమినీ సురేష్, గోవింద్ శ్రీనివాస్, శివరాజ్, ఎస్ఆర్కే, చరణ్, కిరణ్, గోపాల్ మహర్షి, సునీత మనోహర్, మాస్టర్ విహార్, కిరణ్ మేడసాని తదితరులు
కెమెరామెన్ : భరద్వాజ్, ఫణింద్ర
మ్యూజిక్ : వెంకీ వీణ
ఎడిటింగ్ : లోకేష్ కడలి
ఎగ్జిక్యూటివ్ ప్రొడ్యూసర్ : పర్వతనేని రాంబాబు
కో డైరెక్టర్ : గోపాల్ మహర్షి
పి.ఆర్.ఒ : మోహన్ తుమ్మల
డిఫరెంట్ కథా, కథనాలతో రామకృష్ణ వట్టికూటి సమర్పణలో అలుక్కా స్టూడియోస్, శ్రీ వారాహి ఆర్ట్స్, భవిష్య విహార్ చిత్రాలు (BVC) బ్యానర్లపై రమణ్, వర్షా విశ్వనాథ్ హీరో హీరోయిన్లుగా రామచంద్ర వట్టికూటి దర్శకత్వంలో మల్లిఖార్జున ఎలికా (గోపాల్), రామకృష్ణ సనపల, అరుణ్ చంద్ర వట్టికూటి సంయుక్తంగా నిర్మించిన చిత్రం ‘మటన్ సూప్’. ‘విట్నెస్ ది రియల్ క్రైమ్’ ట్యాగ్ లైన్. అన్ని కార్యక్రమాలు పూర్తి చేసుకొని అక్టోబర్ 10న గ్రాండ్ గా థియేటర్లలో విడుదలైన ఈ చిత్రం ఎలా ఉందొ చూద్దాం పడండి..
కథ
శ్రీరామ్ (రమణ్) ఫైనాన్స్ ఏజెంట్. వడ్డీ డబ్బుల్ని రికవరీ చేస్తుంటాడు. ఈ క్రమంలో శ్రీరామ్కు శత్రువులు పెరుగుతూనే ఉంటారు. భాగస్వామ్యంతో కలిసి చేస్తున్న ఈ వ్యాపారంలో శ్రీరామ్కు ఎప్పుడూ సమస్యలు వస్తూనే ఉంటాయి. మరో వైపు ఫేస్ బుక్ పరిచయంతో సత్య భామ (వర్షా విశ్వనాథ్)తో శ్రీరామ్ ప్రేమ వ్యవహారం సాగుతుంది. గజగంగ్ దళ్ వల్ల శ్రీరామ్, సత్య భామలు పెళ్లి చేసుకోవాల్సి వస్తుంది. ఈ పెళ్లి శ్రీరామ్ కుటుంబానికి నచ్చదు. దీంతో శ్రీరామ్, సత్య వేరు కాపురం పెట్టాల్సి వస్తుంది. అంతా బాగానే ఉందని అనుకునే టైంలో శ్రీరామ్ మీద యాసిడ్ దారి జరుగుతుంది. ఈ దాడిలో శ్రీరామ్ మొహం కాలిపోతుంది. దీంతో శ్రీరామ్ను సత్య మరింత ప్రేమగా, జాగ్రత్తగా చూసుకుంటుంది. ఈ దాడి వెనుకున్న మిస్టరీ ఛేదించేందుకు శ్రీరామ్ దగ్గరి బంధువు ఎస్సై శివరాం (జెమినీ సురేష్) రంగంలోకి దిగుతారు? ఈ విచారణలో బయట పడే నిజం ఏంటి? అసలు శ్రీరామ్ మీద దాడి చేసింది ఎవరు? అన్న ప్రశ్నలకు సమాధానం తెలియాలంటే కచ్చితంగా థియేటర్ కు వెళ్లి సినిమా చూడాల్సిందే.
నటీ నటుల పనితీరు
రమణ్ చుట్టూనే ఈ కథ తిరుగుతుంది. హీరోగా రమణ్ ఆకట్టుకున్నాడు. వర్ష లుక్స్ బాగుంటాయి. నటనలో మాత్రం ఇంకా మెరుగు పడాల్సి ఉంది. జెమినీ సురేష్ పాత్ర, నటన రెండూ బాగున్నాయి. మిగిలిన పాత్రల్లో వింద్ శ్రీనివాస్, శివరాజ్, ఎస్ఆర్కే, చరణ్, కిరణ్, గోపాల్ మహర్షి, సునీత మనోహర్, మాస్టర్ విహార్, కిరణ్ మేడసాని అందరూ చక్కగా నటించారు.
సాంకేతిక నిపుణుల పనితీరు
ఓ నేర ఘటనను ఆధారంగా తీసుకుని ‘మటన్ సూప్’ సినిమాను రామచంద్ర తెరకెక్కించడం జరిగింది.అయితే కొన్ని సార్లు సినిమాలో చూపించిన ఘటనలే బయట సమాజంలో జరుగుతుంటాయి. దర్శకుడు రామచంద్ర మటన్ సూప్”టైటిల్ తో ఇంట్రెస్టింగ్ స్టోరీని సెలెక్ట్ చేసుకొని ” ఆద్యంతం సీట్ ఎడ్జ్ థ్రిల్లర్గా తెరకెక్కించాడు. క్రైమ్ కథకు కాల్ మనీ ఇష్యూని కూడా జోడించాడు. ఫస్ట్ హాఫ్ చాలా నెమ్మదిగా సాగినా సెకండాఫ్ మాత్రం పరుగులు పెడుతుంది. ఒక్కో ట్విస్ట్ రివీల్ అవుతుంటే.. ఫస్ట్ హాప్కి, సెకండాఫ్కి లింక్ సీన్లను వదులుతుంటే ఆడియెన్స్లో ఉత్కంఠ కూడా అలా పెరుగుతూనే ఉంటుంది. క్లైమాక్స్ వరకు అలా రన్ అవుతూనే ఉంటుంది. .. సాంకేతికంగా ఈ మూవీ ఓకే అనిపిస్తుంది. వెంకీ ఆర్ఆర్ ప్లస్ అవుతుంది. భరద్వాజ్, ఫణింద్ర కెమెరా వర్క్ మెప్పిస్తుంది. ఎడిటింగ్లో ఇంకా కొన్ని సీన్లను తీసేస్తే బాగుండనిపిస్తుంది. మాటలు, పాటలు పర్వాలేదనిపిస్తాయి. బ్యానర్ పై దర్శక, నిర్మాతలకు ఈ సినిమా మొదటి మూవీ అయినా మంచి క్వాలిటీ, మంచి అవుట్ పుట్తో ఆడియెన్స్ ముందుకు తీసుకు వచ్చిన “మటన్ సూప్” సినిమా అన్ని వర్గాల అడియన్స్ ను ఆకట్టుకుంటుందని కచ్చితంగా చెప్పచ్చు.
Cinemarangam.Com Review Rating : ⭐️⭐️⭐️ (3/5)
