తాము అభిమానించే నటీనటులపై ఫ్యాన్స్ తమకున్న అభిమానాన్ని ఒక్కొక్కరు ఒక్కో రకంగా వ్యక్తం చేస్తుంటారు.. తమ హీరో పుట్టిన రోజు వచ్చిందంటే చాలు.. కేక్‌లు కట్ చేసేవాళ్లు కొందరైతే.. స్వీట్లు, పండ్లు, బట్టలు పంచేవారు మరికొందరు.. ఇక, టాలీవుడ్ మన్మథుడు, కింగ్ నాగార్జున వారసుడిగా తెరంగేట్రం చేసిన నాగచైతన్య.. తన కంటూ ఓ ప్రత్యేకతను చాటుకున్నాడు.. ఆ తర్వాత సహ నటి సమంతను ప్రేమించి పెళ్లి చేసుకున్నాడు. ఇక, ఈ నెల 23వ తేదీన తన పుట్టినరోజును జరుపుకున్నాడు చైతు.. అయితే.. నాగచైతన్య పుట్టినరోజు సందర్భంగా ఓ అభిమాని చేసిన పనికి చైతు, సమంతా ఫిదా అయిపోయారు.
చైతు పుట్టినరోజు సందర్భంగా సింహాచలం మెట్లు మెకాళ్లపై ఎక్కి తన అభిమానాన్ని చాటుకున్నాడు బొబ్బిలికి చెందిన సాగర్..
నాగచైతన్య నిండునూరేళ్లు క్షేమంగా ఉండాలని.. సమంత మేడం కూడా క్షేమంగా ఉండాలని.. వాళ్లకు పుట్టబోయేది బాబే కావాలని.. హ్యాపీ బర్త్‌డే చైతు బంగారం” అంటూ ఆ వీడియోలో విషెస్ చెప్పాడు సాగర్..
ఆ వీడియో కాస్త సోషల్ మీడియాకు ఎక్కవడంతో.. దానిపై స్పందించిన చైతు.. “నవీన్ ఏమి చెప్పాలో తెలియడంలేదు..! ఈ ప్రేమకు ధన్యవాదాలు…
జాగ్రత్త” అని ట్వీట్ చేస్తే.. “ధన్యవాదాలు.. ఇది నమ్మలేకపోతున్నా.. మాటలు రావడంలేదు.. దయచేసి మమ్మల్ని కలవండి” అంటూ సమంత ట్వీట్ చేశారు.
