విక్రాంత్, చాందినీ చౌదరి జంటగా నటించిన “సంతాన ప్రాప్తిరస్తు” సినిమా ఓటీటీ వేదికలపై ప్రేక్షకులకు మరింత రీచ్ అవుతోంది. ఈ నెల 19వ తేదీ నుంచి అమోజాన్ ప్రైమ్ వీడియో, జియో హాట్ స్టార్ లో ఈ సినిమా స్ట్రీమింగ్ అవుతోంది. ప్రేక్షకాదరణతో జియో హాట్ స్టార్ లో తెలుగు మూవీస్ లో నెం.1 ప్లేస్ లో, అమోజాన్ ప్రైమ్ వీడియోలో టాప్ 10 ఇండియన్ మూవీస్ లో “సంతాన ప్రాప్తిరస్తు” ట్రెండింగ్ అవుతుండటం విశేషం. మంచి కంటెంట్ ఉన్న సినిమాకు థియేటర్స్ లోనే కాదు ఓటీటీల్లోనూ రెస్పాన్స్ బాగుంటుందని చెప్పేందుకు “సంతాన ప్రాప్తిరస్తు” టాప్ లో ట్రెండ్ అవడమే ప్రూఫ్ గా నిలుస్తోంది. వినోదంతో పాటు ఒక మంచి సందేశాన్ని “సంతాన ప్రాప్తిరస్తు” అందించింది. మేల్ ఇన్ ఫెర్టిలిటీ వంటి సెన్సిటివ్ అంశాన్ని ఎంచుకుని ఎలాంటి అసభ్యత లేకుండా ప్రేక్షకులు సకుటుంబంగా చూసేలా ఈ సినిమాను దర్శకుడు సంజీవ్ రెడ్డి రూపొందించడంపై ప్రశంసలు వస్తున్నాయి. 2025లో రిలీజైన మంచి కంటెంట్ ఉన్న చిత్రాల్లో ఒకటిగా “సంతాన ప్రాప్తిరస్తు” సినిమా నిలిచింది.
“సంతాన ప్రాప్తిరస్తు” సినిమాను మధుర ఎంటర్ టైన్ మెంట్, నిర్వి ఆర్ట్స్ బ్యానర్స్ పై మధుర శ్రీధర్ రెడ్డి, నిర్వి హరిప్రసాద్ రెడ్డి నిర్మించారు. దర్శకుడు సంజీవ్ రెడ్డి రూపొందించారు. కల్యాణ్ రాఘవ్ డైలాగ్స్, అజయ్ అరసాడ మ్యూజిక్ ఈ సినిమాకు ఆకర్షణగా నిలిచాయి. వెన్నెల కిషోర్, తరుణ్ భాస్కర్, అభినవ్ గోమటం, మురళీధర్ గౌడ్, హర్షవర్థన్ ఇతర కీ రోల్స్ లో ఆకట్టుకున్నారు.
