‘అంతకుముందు ఆ తర్వాత’ సినిమాతో తెలుగు ఇండస్ట్రీ కి పరిచయం అయ్యి ‘బందిపోటు’,’అమీతుమీ’.’అ!’ లాంటి సినిమాలతో ప్రేక్షకులకు దగ్గరయింది ఈషా రెబ్బ. ఆ తరువాత యంగ్ టైగర్ ఎన్టీఆర్ ‘అరవింద సమేత’లో నటించి ఒక పక్క అందంతో మరో పక్క అభినయంతో తెలుగు సినిమా ప్రేక్షకుల మదిలో స్థానాన్ని దక్కించుకుంది ప్రస్తుతం సత్యదేవ్, ఈషారెబ్బహీరో హీరోయిన్లుగా శ్రీనివాసరెడ్డి దర్శకత్వంలో శ్రీ కార్తికేయ సెల్యూలాయిడ్స్ సమర్పణలో శ్రీ నవ్హాస్ క్రియేషన్స్ బేనర్పై శ్రీనివాస్ కానూరు నిర్మిస్తున్న సస్పెన్స్ థ్రిల్లర్ ‘రాగల 24 గంటల్లో..?.నవంబర్ 22న సురేష్ ప్రొడక్షన్స్ ద్వారా గ్రాండ్గా విడుదల కాబోతున్న సందర్భంగా హీరోయిన్ఈషారెబ్బ ఇంటర్వ్యూ.
ఫస్ట్ టైమ్ విమేన్ సెంట్రిక్ మూవీ చేస్తున్నారు కదా! ఎలా అనిపించింది?
– మహిళా ప్రాధాన్యత కలిగిన సినిమా అవకాశాలు రావడం చాలా అరుదు. నాకు ఈ అవకాశం రావడం తో మానసిక ఆందోళనకు గురయ్యాను.నేను నటించిన తొలి ఉమెన్ సెంట్రిక్ మూవీ కావడంతో అదృష్టంగా భావిస్తున్నా. ఈ చిత్రంలో అందరి టెన్షన్స్ తనే తీసుకునే విద్య అనే పాత్రలో కనిపిస్తాను.జనరల్ గా నేను ఏ కథ విన్నా ముందే విజువలైజ్ చేసుకుంటాను.. కంప్లీట్ కథ మొత్తం నా క్యారెక్టర్ చుట్టే తిరుగుతుంది. దాంతో సినిమా మొత్తం నా భుజాలపై మోయాల్సి వచ్చింది. అలాగే నా పాత్రలో స్ట్రగుల్, ఫైట్, కోపం లాంటి చాలా ఎమోషన్స్ ఉంటాయి.
సస్పెన్స్ థ్రిల్లర్స్ అంటే ఎలా ఉండాలని కోరుకుంటారు?
– సస్పెన్స్ థ్రిల్లర్స్ అంటే నెక్స్ట్ ఏం జరగబోతుంది అనేది గెస్ చేయలేకుండా ఉండాలి.ఈసినిమా 24 గంటల్లో జరిగే సస్పెన్స్ థ్రిల్లర్. నాకు ఈ కథలో అలాంటి ఎలిమెంట్స్ చాలా కనిపించాయి. ఎందుకంటే నేను స్టోరీ వింటున్నపుడే నేను క్లైమాక్స్ గెస్ చేయడానికి ట్రై చేశా.. కానీ అలా కాకుండా కథ చాలా డిఫెరెంట్ గా క్లోజవుతుంది. నాకు వినగానే సర్ ప్రైజింగ్ అనిపించింది. రేపు థియేటర్స్ లో ఆడియెన్స్ కి కూడా అదే ఫీలింగ్ కలుగుతుంది.
ఇండస్ట్రీలో తెలుగు అమ్మాయిగా ఉండటం?
– తెలుగు అమ్మాయిని కాబట్టి మన సంప్రదాయాలకు తగ్గ పాత్రలు వస్తున్నాయి. అవకాశాలు రావు అని నేను అనుకోవడం లేదు. తెలుగు అమ్మాయిలు కూడా అన్ని రకాల పాత్రలలో అద్భుతంగా నటించగలరు అని నిరూపించాలని, నేను గట్టిగా ప్రయత్నిస్తున్నాను. ప్రస్తుతం పరిశ్రమలో చాలా మంది తెలుగు అమ్మాయిలు హీరోయిన్స్ గా ఎదగడానికి ప్రయత్నిస్తున్నారు .నాకిప్పటివరకు గ్లామరస్ హీరోయిన్ అనిపించుకునే అవకాశం దొరకలేదు. కానీ ఈ సినిమాలో నేను చాలా గ్లామరస్ గా కనిపిస్తాను. బేసిగ్గా నేనెప్పుడూ హాటే.గ్లామరస్ పాత్రలకు సిద్ధమే..
ఈమధ్య మీరు ఎక్కువగా సోషల్ మీడియాలో హాట్ ఫోటోస్ ఫోస్ట్ చేస్తున్నారు ?
– నాలో ఆ హాట్నెస్ ఉంది కాబట్టే పోస్ట్ చేస్తున్నాను. అయినా దానిలో తప్పేం ఉంది. నిజానికి మన ఫిల్మ్ మేకర్స్ నన్ను ఒకేరకమైన పాత్రల్లో చూపిస్తున్నారు. నేను కూడా గ్లామర్ పాత్రలకు సూట్ అవుతానని చెప్పడానికే సోషల్ మీడియాలో అలా కొన్ని ఫోటోస్ పోస్ట్ చేశాను.
శ్రీనివాస్ రెడ్డి తొలిసారి ఈ జోనర్లో సినిమా తీస్తున్నారు కదా! మేకింగ్ ఎలా అనిపించింది?
– డైరెక్టర్ శ్రీనివాస్ రెడ్డి గారు ఇలాంటి థ్రిల్లర్ చేయడం ఫస్ట్ టైమ్. అయినా అద్భుతంగా తెరకెక్కించారు, ఆయన ప్రతి సీన్ విషయంలో చాలా క్లారిటీగా ఉన్నారు. పర్టికులర్ గా క్యారెక్టర్స్ విషయంలో ఏ క్యారెక్టర్ ఎలా చేయాలన్నది ముందే ఖచ్చితంగా ఫిక్సయ్యారు. ఈ జానర్ లో అనుభవం ఉన్న దర్శకుడి లాగానే చేశారు.
ఏ విదంగా సినిమాను సెలెక్ట్ చేసుకుంటారు?
– ముందు ఖచ్చితంగా కథకే ఫస్ట్ ప్రయారిటీ ఇస్తాను. ఆ తరవాత డైరెక్టర్ టాలెంట్ ఏంటి అనేది చూస్తాను. కొత్తవాళ్ళైనా సమస్య లేదు కానీ, ఖచ్చితంగా ఆ సినిమాని ఎలా ప్రెజెంట్ చేయాలి క్లారిటీ అయితే కచ్చితంగా ఉండాలి.
డైరెక్టర్ శ్రీనివాస్ రెడ్డి గారు ఈ సినిమా తర్వాత మిమ్మల్ని నయనతార తో పోల్చారు కదా మీరు ఎలా ఫీల్ అవుతున్నారు?
– శ్రీనివాస్ రెడ్డి గారు నన్ను నయనతారతో పోల్చినందుకు ఆయనకు థాంక్స్. రేపు రిలీజ్ అయ్యాక ఆడియన్స్ ఎం చెప్పబోతున్నారా అని ఈగర్ గా వెయిట్ చేస్తున్నా.
నిర్మాతల గురించి?
– కానురి శ్రీనివాస్. ప్యాసనేట్ ప్రొడ్యూసర్ సినిమా అంటే ప్రేమతో ఇండస్ట్రీ కి వచ్చారు,వారికి మంచి. సక్సెస్ రావాలి.‘రాగల 24 గంటల్లో.’ సినిమా కోసం అందరం చాలా కష్టపడ్డాం… ఈ సినిమా మీ అందరికీ నచ్చాలని.. అందరికీ మంచి పేరు తీసుకురావాలని కోరుకుంటున్నాను.
తెలుగు లస్ట్ స్టోరీస్, వెబ్ సిరీస్ లలో నటించడం ఎలా ఉంది?
– నెటీఫ్లిక్స్ కోసం తెలుగు లస్ట్ స్టోరీస్ లో నటించాను. హిందీలో తెరకెక్కిన లస్ట్ స్టోరీస్ వెబ్ సిరీస్ బాగా హిట్ అయింది. అక్కడ ప్రేక్షుకులకు బాగా కనెక్ట్ అయిన సిరీస్ అది. ఇప్పటికే దర్శకుడు సంకల్ప్ రెడ్డి రెండు ఎపిసోడ్స్ ను తెరకెక్కించారు. ఆ ఎపిసోడ్స్ లో నాతో పాటు సత్య దేవ్, అవసరాల శ్రీనివాస్ కూడా నటించారు. నా పాత్ర కొత్తగా ఉంటుంది. మార్చిలో మా వెబ్ సిరీస్ ను రిలీజ్ కి ప్లాన్ చేస్తున్నారు. అప్పుడే మీకే తెలుస్తోంది.
మీ తదుపరి చిత్రాలు ఏంటి?
– తమిళంలో జీవీ ప్రకాష్ తో ఓ సినిమా చేశాను. అలాగే కన్నడ స్టార్ హీరో శివ రాజ్ కుమార్ సినిమాలో నటించబోతున్నాను. ఒక తెలుగు సినిమాకు చర్చలు జరుగుతున్నాయి..
‘రాగల 24 గంటల్లో’ కథ మొత్తం నా క్యారెక్టర్ చుట్టే తిరుగుతుంది – హీరోయిన్ఈషారెబ్బ
