సుమ దుర్గా క్రియేషన్స్ పతాకంపై ఐశ్వర్య మాగంటి సమర్పణలో విశ్వాన్థ్, హర్షిత చౌదరి హీరోహీరోయిన్లుగా నటకిరీటి రాజేంద్ర ప్రసాద్ ప్రధాన పాత్రలో నూతన దర్శకుడు విశ్వ నాథ్ మాగంటి దర్శకత్వంలో దుర్గా ప్రసాద్ మాగంటి నిర్మిస్తున్న ఫ్యామిలీ ఎంటర్టైనర్ చిత్రం తోలుబొమ్మలాట… ఈ మూవీతో వెండి తెరకు హీరోయిన్ గా పరిచయమవుతున్న హర్షిత చౌదరి విలేకరుల సమావేశంలో మాట్లాడుతూ…
నేను మాస్ కమ్యూనికేషన్ స్టూడెంట్ ని, హైదరాబాద్ లో సెటిలైన ఆంధ్రా ఫ్యామిలీ మాది. మా ఫాదర్ రియలెస్టేట్ బిజినెస్.. నేను నటించిన మానేపల్లి,చెన్నై సిల్క్,లాంటి కొన్నియాడ్స్ ఇంస్టాగ్రామ్లో పోస్ట్ చేయడం జరిగింది. అవి చూసిన కొందరు నా పోర్ట్పోలియో డైరెక్టర్ కి చూపించడంతో ఆడిషన్స్ ద్వారా నన్ను సెలెక్ట్ చేయడం జరిగింది. అలా మొదటి సారి హీరోయిన్ గా నటించే అవకాశం దక్కింది.
ఈ సినిమాలో మీ పాత్ర ఎలా ఉంటుంది?
అంత స్ట్రాంగ్ గా నా పాత్ర ఉండదు. ఇన్నోసెంట్ మరియు కామ్ గా ఉండే సాఫ్ట్ వేర్ ఇంజినీర్ అమ్మాయిగా కనిపిస్తాను. ఫామిలీ తో మంచి బాండ్ ఉంటుంది నా రోల్ అందరికి కనెక్ట్ అవుతుంది. ప్రస్తుత కాలంలో ఉన్న ప్రతి అమ్మాయి నేచర్ ని ప్రతిబింబిచేలా నా పాత్ర ఉంటుంది.
ఎలాంటి పాత్రలు చేయాలని అనుకుంటున్నారు?
నేను పాత్రలు ఎంచుకొనే పొజిషన్ కి ఇంకా రాలేదు. వచ్చిన పాత్రలు ఏవి పడితే అవి చెయ్యను నా లిమిట్స్ లో ఉన్నాయా?, పాత్ర చేయగలనా… లేదా? అని చూసి ఎంపిక చేసుకుంటాను.
సీనియర్ యాక్టర్ రాజేంద్రప్రసాద్ తో చేయడం మీకు ఎలా అనిపించింది ?
ఫస్ట్ భయపడ్డాను,నెర్వెస్ నెస్ వస్తుంది వారు యాక్టింగ్ లో ప్రోఫెషన్స్ వారి రేంజ్ లో యాక్ట్ చెయ్యడం కష్టం,వారి దగ్గర చాలా నేర్చుకున్నాను.
సినిమాలలోకి రావడానికి మీకు స్ఫూర్తి ఎవరు ?
చాలా మంది ఉన్నారు, ఎవరో ఒకరి పేరు చెప్పలేను. అప్పట్లో సావిత్రిగారు మరియు భానుమతి గారి నటనంటే చాలా ఇష్టం. అలాగే సౌందర్య గారు కూడా నాకు స్ఫూర్తి ఇచ్చారు.
ఇలాంటి రోల్ దొరకడం పై మీ అభిప్రాయం ?
ఇప్పుడు అంతా లవ్ స్టోరీస్ చేస్తున్నారు,టాప్ హీరోయిన్స్ నిత్యామీనన్ లాంటి వారు ఇలాంటి మూవీస్ సంవత్సరానికి ఒకటి చేసిన రోజులున్నాయి అలాంటిది ఫస్ట్ మూవీ లొనే ఇలాంటి రోల్ దొరకడం చాలా హ్యాపీ.
ఈ మూవీతో మీరు నేర్చుకున్న విషయాలేమిటి?
పాజిటివ్ గా ఉండటం అలాగే సహనంగా ఉండటం నేర్చుకున్నాను. విమర్శలు వచ్చినా వాటిని పాజిటివ్ యాంగిల్ లో ఆలోచిండం అలవడింది. అలాగే సీనియర్ నటుల నుండి యాక్టింగ్ సంబంధించి విలువైన విషయాలు నేర్చుకున్నాను.
దర్శకుడు విశ్వనాధ్ మాగంటి గురించి చెప్పండి ?
ఆయన చాలా సాఫ్ట్ పర్సన్. మొదటి చిత్రానికే ఇలాంటి ఫ్యామిలీ కథను ఎంచుకోవడం నాకు ఆశ్చర్యం కలిగించింది. కుటుంబ సభ్యుల మధ్య ప్రేమానురాగాలను, కోపాలను, ద్వేషాలను ఆయన చక్కగా తెరకెక్కించారు. ప్రతి పాత్రకు ప్రాధాన్యం ఉండేలా ఆయన తెరకెక్కించిన తీరు బాగా నచ్చింది.
